Polje Lautein Bele Konsidera Sai Hanesan Eransa Jeolojia Ida Ho Kategoria Global.

Bazeia bá analiza no avaliasaun kuantitativu dadus geosite no geomorphosite ne'ebé durante ekipa USJTL hala'o identifikasaun kona-ba patrimoniu jeolojia (geoheritage) iha Munisípiu Lautein, katak iha indikasaun geoheritage barak ne'ebé mak iha signifikante tebes, no bele konsidera sai hanesan patrimoniu mundial ida, liu-liu iha Ázia. Konsiderasaun ne'e bazeia bá estudu literária no analiza valor sientifiku, edukativu, kulturais, no estetikais ne'ebé signifikante. Patrimoniu jeolojia ne'e hanaran Polje Lautein. Teorikamente, Polje hanesan basia ou vale karst ho topografikamente haleu husi foho ne'ebé a'as, no identiku ho rai tetuk. Jeralmente, Polje ne'e fahe klasifikasaun tolu mak hanesan border polje, stuructural polje, no baselevel polje.

Timor-Leste seidauk iha patrimoniu natureza ida ne'ebé mak rekoñese iha UNESCO Nasionál no Internasionál. Tanba ne'e, Timor-Leste presiza propous sitiu jeolojika balu ne'ebé mak iha valor signifikadu hodi preserva bá dezenvolvimentu turismu sustentavel liuhosi Programa Jeoturismu ho konseitu Jeoparke (Geopark).

• KONDISAUN JEOLOJIA 

Jeolojikamente, iha parte súl Munisípiu Lautein kompostu litolojia husi formasaun Cribas, formasaun Aitutu, no Bandeira Group, (Gondwana Megasequen) ne'ebé konsidera sai hanesan fatuk baze ba litolojia forma Polje. Polje ne'e eziste husi coral reef ho alterasaun husi ahu-ruin (Synorogenic). Fatuk Ahu-ruin ne'e konsidera mai husi Ahu-ruin Baucau no ahu-ruin Poros ne'ebé forma iha idade pleistoseniku - holeseniku (± 1.806.000 - 11.430 liu-ba). Kondisaun ne’e akontense tanba kauza husi prosesu tektonika ne’ebé akontense iha mioseniku okos, no sai hanesan tektonika ida ne’ebé nurak liu iha mundu.

• KONDISAUN ESTRUTURA JEOLOJIA

Estrutura jeolojia ne'ebé forma iha polje ne'e, tanba kauza husi prosesu tektonika ho tipu mekanismu transtensional hodi hamosu estrutural lokál hanesan normal fault striking ne'ebé observa direitamente iha Lagoa Iralalaru. Estrutura jeolojia lokál ne'ebé forma basia polje ne'e mak hanesan Malahara fault, no Mehara fault ho lineamentu estrutura relativu bá diresaun NE no SW ho nia dipping relativu ba diresaun NW. 

• ATRAISAUN JEOTURISMU

Observasaun geomorphological landscape bá Polje Lautein ne'e, bele observa direitamente iha Geomorphosite Foho Paitchau, iha Geosite Lagoa Iralalaru, iha Fuiloru Grassland, no iha Plateau Chaikeri.

Polje Lautein

Share: