Geoheritage
Geoheritage ou Jeopatrimoniu hanesan termu generiku
ida, maibe deskritivu ne’ebé aplikativamente bá sitius ou áreas iha
karaterisitikus jeolojikas ho valor sientifiku, edukativu, no kulturais, ou
estetikais ne’ebé signifikante. Jeopatrimoniu mós hanesan okurensias partikular
ida husi minerais, fatuk, foseis, soil (rai), paisagem natureza, nomós prosesu
jeolojika balun ne’ebé mak iha valor exsepsionais. Jeralmente, kriteria bá
inventarizasaun dadus liu-husi jeodiversidade mak hanesan: Vulkaun,
Jeomorfolojia, Estratigrafia, Litolojia, Paleontolojia, Sedimentolojia,
Tektonika, Movimentu de massa, no Rekursus be’e (Hidrolojia no Hidrojeolojia).
Geotourism
Geotourism ou Jeoturismu hanesan atividade ou viazem
ida ne’ebé mak hala’o hodi hare eransa jeolojia, ou situs jeolojia. Turismu ida
ne’e hanesan meius ida hodi sosializa siensia naturais, edukasaun ambiental,
nomos konservasaun natureza no ikus mai bele kria dezenvolvimentu turismu
sustentavel bazeia bá sabedoria lokal (kearifan lokal).
Artikel ne’e aprejenta ho estudu sistematiku ida
atu eksplora hodi selesiona sitiu jeolojia balun iha Zona Oriental, no bele
aponta sai hanesan potensia ida bá rekursus jeopatrimoniu no jeoturismu. Etapa
ne’e ho objetivu atu fornese dadus fundamental bá dezenvolvimentu jeoturismu
iha futuru oin mai. Tanba ne’e, presiza halo identifikasaun dadus rekursus
jeopatrimoniu hodi inventariza, karakteriza no klasifika hodi koresponde bá
prosedimentus iha jeokonservasaun bá dezenvolvimentu sustentavel liuhusi
Programa Jeoturismu no Geopark.
 |
| Poljes Kars iha Parke Nasionál Nino Konis Santa hanesan geoheritage ida ne'ebé bo'ot liu iha mundu |
No comments:
Post a Comment